Պատգամավորի ողնաշարի` 7 տարվա վաղեմության ցավը կապում են ագրարային համալսարանի «ջանի՞ն»

ՀՔԾ-ն նախօրեին որոշում է կայացրել մերժել, օգոստոսի 13-ին ագրարային համալսարանի առջև տեղի ունեցած դեպքերի հետ կապված, ՕԵԿ-ի` քրեական գործ հարուցելու պահանջը:

Լրագրողների հետ հանդիպման ժամանակ ագրարային համալսարանի ընդհանուր հարցերի գծով պրոռեկտոր Պարույր Էֆենդյանը նշեց, որ օգոստոսի 13-ից հետո ՕԵԿ-ը դիմել էր ՀՀ ոստիկանապետին` նշելով, որ օգոստոսի 13-ին տեղի ունեցածը /երբ համալսարանի դասախոսներն ու ուսանողները ցանկանում էին ցանկապատը քանդել/ խուլիգանություն էր:

«Նրանք ասում էին, թե մենք մարմնական վնասվածքներ ենք իրենց հասցրել, բայց ծիծաղել է, որ Հեղինե Բիշարյանն անգամ դատական բժշկափորձաքննությունից է հրաժարվել: Նշվել էր նաև, թե իբր ԱԺ ՕԵԿ խմբակցության պատգամավոր Հովհաննես Մարգարյանին էլ ենք մարմնական վնասվածք հասցրել` ողնաշարը ցավեցնելով: Իսկ ՀՔԾ-ի որոշման համաձայն` Մարգարյանն արդեն 7 տարի է, ինչ ողնաշարի հետ կապված խնդիրներ ունի»,- ասաց Էֆենդյանը: