Show must go on. սյունեցի լրագրող Անուշ Միրզոյանը մեղադրվում է 4 տարվա վաղեմության «Սյունյաց ողջույնի» գործով

Այսօր հայտնի դարձավ, որ սյունեցի լրագրող Անուշ Միրզոյանի նկատմամբ հանրային քրեական հետապնդում է հարուցվել: Այդ մասին տեղեկացրել էր ինքը՝ լրագրողը, իր ֆեյսբուքյան էջում տեսանյութ հրապարակելով:

Այս պահին Երևանի քրեական դատարանի Ավանի նստավայրում քննվում է Անուշ Միրզոյանի խափանման միջոցի ընտրության հարցը:

168.am-ի հարցին ի պատասխան՝ ի՞նչ քրեական հետապնդման մասին է խոսքը, Քննչական կոմիտեից (ՔԿ) ասացին.

«2021 թվականի ապրիլի 21-ին Սյունիքում տեղի ունեցած դեպքի առթիվ նախաձեռնվել է քրեական վարույթ՝ 18.04.2003 թվականին ընդունված Քրեական օրենսգրքի 258-րդ հոդվածի 3-րդ մասի 1-ին, 2-րդ և 5-րդ կետերի և 216-րդ հոդվածի 1-ին մասի հատկանիշներով:

1 անձի նկատմամբ հարուցվել է հանրային քրեական հետապնդում՝ 18.04.2003 թվականին ընդունված Քրեական օրենսգրքի 38-34-225-րդ հոդվածի 1-ին մասով (զանգվածային անկարգություններ կազմակերպելուն օժանդակելը):

Միջնորդություն է ներկայացվել վերջինիս նկատմամբ վարչական հսկողությունը որպես խափանման միջոց կիրառելու վերաբերյալ»:

Այսինքն՝ Անուշ Միրզոյանը մեղադրվում է «Սյունյաց ողջույնի» գործով, 4 տարի անց:

Show must go on:

Աղբյուրը՝ 168.am