Փող չունեի, մայրս իր թոշակից 15000 դրամ տվեց, որ փոխանցեմ «Այո»-ի դրամահավաքին. Հովհաննես Ազոյան

Սահմանադրական հանրաքվեում աջակցում եմ իշխող ուժին, որովհետև կարծում եմ, որ սա ժողովրդի իշխանության հաստատման վերջին ակորդն է և հայ հանրությունն անպայման պետք է մասնակցի այս ընտրություններին։ Ըստ Yerkir.am-ի՝ այս մասին  լրագրողների հետ զրույցում ասաց դերասան Հովհաննես Ազոյանը։

Որքան գումար է նվիրաբերել Հովհաննես Ազոյանը «Այո» քարոզչության համար կազմակերպված դրամահավաք-երեկոյին հարցին ի պատասխան, նա ասել է. «Այսօր այնպես ստացվեց, որ գումար չունեի, լինում են այդպիսի օրեր, մայրս իր թոշակից տրամադրեց, ասաց' փոխանցիր խնդրեմ, և ես փոխանցեցի 15000 դրամ»:

Ավելի վաղ Yerkir.am-ը տեղեկացրել էր, որ փետրվարի 25-ին Սահմանադրության փոփոխությունների հանրաքվեի «Այո» քարոզչական կողմի իրականացրած դրամահավաք-երեկոյի ընթացքում հավաքվեց 205 մլն 560 հազար դրամ: