Չինաստանում երկու ռուս դիվանագետ դեսպանատանը կարանտինի մեջ են պահվում

Երկու ռուս դիվանագետներ, ովքեր օգնել են տարհանել ռուսներին չինական Ուհանից, 14 օր կարանտինի մեջ կլինեն և կպահվեն դեսպանատան տարածքում. ըստ yerkir.am-ի՝ այս մասին հայտնում է ՏԱՍՍ-ը։

Նախատեսվում է, որ դիվանագետները փետրվարի 8-ին կամ 9-ին կվերադառնան Պեկին, որտեղ նրանք կլինեն կարանտինի մեջ: Նրանց տեղավորելու են առանձին շենքում, որտեղ կլինի անհրաժեշտ բոլոր պայմանները՝ ջուր, համացանց, հեռուստատեսություն, հողաթափեր, սնունդ:

Բացի այդ, Չինաստանում Ռուսաստանի դեսպան Անդրեյ Դենիսովի հավաստիացմամբ՝ Մոսկվան կարող է լրացուցիչ միջոցներ ձեռնարկել Հուբեյում մնացած ռուսներին տարհանելու համար, սակայն դա կախված է իրավիճակի զարգացումից: