Քոչարյանի պաշտպանները դատական նիստին չեն ներկայացել․ դատախազը խնդիր չի տեսնում

Պաշտպանության կողմի իրավունքն է՝ ներկայանալ դատարանի որոշման հրապարակմանը, քանի որ չեն ներկայացել՝ մեկնաբանման անհարժեշտություն չեմ տեսնում՝ ըստ Yerkir.am-ի, ասաց դատախազ Պետրոս Պետրոսյանը ճեպազրույցում։

Նրան հիշեցրին, որ պաշտպանները նախորդ նիստին ասացին՝ անաչառ որոշում չեն ակնկալում  և վստահ են՝ հօգուտ դատախազութան է լինելու բողոքի բավարարումը։

«Դա զուտ իրենց սուբյեկտիվ գնահատականներն են»,-ասաց Պետրոս Պետրոսյանը։

Հետևություններ պե՞տք է արվի Առաջին ատյանի դատարանի որոշումից, որը բավարարել էր Քոչարյանի պաշտպանների բողոքը, Պետրոսյանը պատասխանեց․ «Մեր բողոքը բավարարվել է, դատարանի պատճառաբանություններին ծանոթ չենք, այս որոշումը Վճռաբեկ դատարանով բողոքարկելու ընթացակարգ կա և հետագայում արդեն, եթե Վճռաբեկ դատարանը նպատակահարմար կգտնի դիրքորոշում արտահայտելու, ձեր հարցի պատասխանը կլինի հստակ»։

Նշենք, որ Վերաքննիչ քրեական դատարանը` դատավոր Արմեն Դանիելյանի նախագահությամբ, բավարարեց դատախազության բողոքը ՀՀ երկրորդ նախագահ Ռոբերտ Քոչարյանի գործով, որով փաստաբաններին մերժել են  2008 թվականի մարտի 1-ի գործով նյութերի ամբողջական ծավալով տրամադրման հարցում: Որոշումը հրապարակվեց այսօր առավոտյան: Այն կարող է բողոքարկվել 15-օրյա ժամկետում: Այսպիսով, Վերաքննիչ դատարանը չեղարկել է առաջին ատյանի դատարանի որոշումը: