Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 5 տարի առաջ - 2019-05-17 15:32
Իրավական

0038 հրամանը և մարտի 1-ի գործողություններն իրար հետ փոխկապակցված չեն. Քոչարյանի պաշտպանները տեսանյութեր են ցուցադրել

0038 հրամանը և 2008-ի մարտի 1-ի գործողություններն իրար հետ փոխկապակցված չեն, ինչը փորձում է ապացուցել դատախազը: Այս մասին լրագրողներին ասաց ՀՀ երկրորդ նախագահ Ռոբերտ Քոչարյանի պաշտպանական խմբի անդամ Արամ Օրբելյանը:

«Երևանցիներից բացի, բավականին շատ մարդիկ տեսել են, թե ինչպես են երկրապահները կիսազինված քայլում, մտածում՝ մոտենալ- չմոտենալ: Բոլորդ գիտեք, որ քննարկվում էր, խոսվում՝  երկրապահները ԴՇԿ-ները դնեն «Նիվա»-ների՞ վրա, թե՞ «Վիլիս»-ների: Եվ ես ակնհայտորեն կարող եմ ասել, որ ՀՀ ԶՈւ որոշակի մոբիլիզացիան, զորանոցային կարգավիճակի բերելը հանգեցրեց նրան, որ ԵԿՄ-ն որևէ ռեպրեսիվ գործողություն չարեց դրանից հետո: 0038 հրամանում որևէ սարսափելի գործընթաց չկա, դրա հիման վրա եղել է զորքերի տեղաշարժ որոշակի կայազորներից որոշակի կայազորներ: Մարտի 1-ին զորքը չի շփվել քաղաքացիների հետ` որպես այդպիսին, որոշ հատվածներում ինչ-որ բաներ եղել են, բայց չի եղել զորքի և քաղաքացիների շփում: Սա Չինաստանի հրապարակը չէ, Եգիպտոսի հրապարակը չէ, որ զորքը մտցրել են և ասել, որ կրակեն քաղաքացիների վրա: Այդպիսի գործընթաց չի եղել, կան չմոնտաժված վիդեոներ»,-մանրամասնեց Օրբելյանը:
 
Հարցին, թե ի՞նչ ակնկալիքներ ունեն դատարանից, նա պատասխանեց, որ իրենց սպասելիքը հետևյալն է՝  խափանման միջոց կալանավորման չկիրառում, վատագույն դեպքում՝  անձնական երաշխավորություն:
 
Այնուհետեւ  լրագրողներին ցույց տրվեցին Մարտի 1-ի գործի վերաբերյալ հիշատակված և նախկինում չհրապարակված կադրերը, որոնցում, ըստ պաշտպանների, երևում է, թե ինչպես են ցուցարարները զինված ոստիկանների վրա առարկաներ նետում։
 
Չմոնտաժված կադրերը՝ 1.03 րոպեից:
 
 

 

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը