Ռուսաստանը տարօրինակ է համարում Էրդողանի հայտարարությունը Ռուսաստանի հասցեին՝ Սիրիայի վերաբերյալ

Սիրիական Իդլիբում հակամարտության լուծումը առաջվա պես հնարավոր է միայն կյանքի կոչելով Աստանայում և Սոչիում ձեռք բերված համաձայնությունները. ըստ Yerkir.am-ի՝ այս մասին Interfax-ին հայտարարել է ՌԴ Պետդումայի արտաքին հարաբերությունների հանձնաժողովի փոխնախագահ Դմիտրի Նովիկովը:

«Ես համարում եմ, որ Ռուսաստանի և Թուրքիայի միջև փոխհամաձայնության մակարդակը թույլ է տալիս, որ առաջ շարժվենք՝ չհաշված Թուրքիայի տարօրինակ հայտարարություններին, որ Աստանայի և այլ ձևաչափերը անարդյունավետ են», - նշել է Նովիկովը:

Ավելի վաղ Էրդողանը մեղադրել էր Ռուսաստանին Սոչիի և Աստանայի համաձայնությունները Սիրիայի հարցում չկատարելու մեջ: