Նա առաջին իսկ կանչի դեպքում միշտ ներկայացել է իրավապահներին, սա էժան շոու է․ փաստաբանը՝ Նարեկ Մալյանին բերման ենթարկելու մասին

Նարեկ Մալյանի փաստաբան Տիգրան Աթանեսյանը, ըստ Yerkir.am-ի, ֆեյսբուքյան իր էջում անդրադարձել է Նարեկ Մալյանին բերման ենթարկելուն և նշել, որ առաջին իսկ կանչի դեպքում Մալյանը միշտ ներկայացել է իրավապահներին և սա ուղղակի էժան շոու է։

«Դեռ գեթ մեկ դեպք չի եղել, որ Նարեկ Մալյանը առաջին կանչի դեպքում չներկայանար իրավապահներին: Նշանակում է այդ էժան շոուն ինչ-որ մեկին պետք էր: Այս պահին Հայաստանում չեմ, վերադառնալուն պես կանդրադառնամ հարցին ավելի մանրամասն»,– նշել է նա:

Հիշեցնենք, որ ավելի վաղ «ՎԵՏՕ» հասարակական-քաղաքական շարժման ղեկավար Նարեկ Մալյանը բերման է ենթարկվել ՀՀ ոստիկանության կազմակերպված հանցավորության դեմ պայքարի գլխավոր վարչություն (6-րդ վարչություն)։