ՈՒՂԻՂ. Քրեական գործի շրջանակներում Նարեկ Մալյանին հրավիրել են Քննչական կոմիտե

Հասարակական գործիչ Նարեկ Մալյանի նկատմամբ հարուցվել է քրեական գործ: Նա այս պահին Արաբկիր վարչական շրջանի քննչական բաժնի ճանապարհին է:

Դեպքի առնչությամբ Մալյանն, ըստ Yerkir.am-ի, իր ֆեյսբուքյան իր էջում գրառում էր կատարել՝ նշելով. 

«2 նորություն ունեմ.

1-ին. ես չեմ պատրաստվում լռել և երբեք չեմ հանձնվելու մինչև ինձ որևէ հոդվածով չբանտարկեն:

2-րդ. քանի որ սա իմ 100-րդ` հոբելյանական այցելությունն է իրավապահ համակարգ, այդ առիթով, ինչպես և խոստացել էի, ես և իմ ընկերները կազմակերպում ենք տոնախմբություն:

Սիրելի ընկերներ և անաչառ ԶԼՄ ներկայացուցիչներ, սիրով հրավիրում եմ բոլորին Արաբկիրի քննչական բաժնի մուտքի մոտ՝ միասին նշելու իմ 100-րդ հոբելյանական այցելությունը իրավապահներին:

Ծրագրում՝ տորթ, շամպայն, փուչիկներ, գմփիկներ, երգեր, պարեր, իհարկե, բարձր տրամադրություն և ծաղկեփունջ իմ նոր քննիչին»։

Զարգացումներին կարող եք հետևել Tert.am-ի ուղիղ հեռարձակմամբ։