ՈՒՂԻՂ. Կարելի է ասել առևանգել են Նարեկ Մալյանին. Արսեն Բաբայանը` Նարեկ Մալյանին բերման ենթարկելու մասին

«ՎԵՏՕ» հասարակական-քաղաքական շարժման ղեկավար Նարեկ Մալյանը բերման է ենթարկվել ՀՀ ոստիկանության կազմակերպված հանցավորության դեմ պայքարի գլխավոր վարչություն (6-րդ վարչություն)։ Այս մասին լրագրողների հետ զրույցում ասաց Ազգային ժողովի աշխատակազմի ղեկավարի նախկին տեղակալ Արսեն Բաբայանը. հայտնում է News.am-ը:

«Անհայտ պատճառներով դիմակավորված անձինք կոպիտ վարվելով անձին բերման են ենթարկել կամ նույնիսկ կարելի է ասել առևանգել են Նարեկ Մալյանին։ Ակնհայտ է, որ դիմակավորված անձինք ձեռնաշղթաներով բերման են ենթարկում այն ժամանակ, երբ տեղի է ունեցել կամ տվյալ պահին տեղի է ունենում հանցագործություն։ Իսկ սա քաղաքական ընդդիմախոսներին վախեցնելու քաղաքական ռեպրեսիաների մի ձև է», -նշեց նա։