Սոմալին Թուրքիային հրավիրել է իր ջրերում նավթ որոնելու. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Սոմալին հրավիրել է Թուրքիային իր տարածքային ջրերում գազի որոնողական աշխատանքներ կատարելու: Թուրքիան նմանատիպ միջծովային պայմանագիր էր կնքել նաև Լիբիայի հետ: Այս մասին, ըստ Yerkir.am-ի, հայտնում է թուրքական NTV հեռուստաընկերությունը:

«Սոմալիից առաջարկ կա: Նրանք ասում են. «Մեր ջրերում նավթ կա: Դուք Լիբիայում իրականացնում եք նման գործողություններ և կարող եք նույնն էլ այստեղ անել: Դա կարևոր է մեզ համար»», - նշում է Էրդողանը:

Թուրքիան Սոմալիին աջակցություն է ցուցաբերում 2011 թ., երբ Էրդողանն այցելել էր այդ երկիր: Անկարան դրանից հետո այնտեղ բացել է դպրոցներ, իրականացրել ծրագրեր, վերապատրաստել զինվորականների: