Թուրքիային մնացել է ընդամենը 19 տարվա նավթ

Ըստ Թուրքիայի էներգետիկայի և բնական ռեսուրսների նախարարության` երկրում շարունակվում են գազի և նավթի պաշարների հետազոտման աշխատանքները: Այս մասին հայտնում է AA-ն:

Այս տարվա ութ ամիսների ընթացքում երկրում արտադրվել է 1.6 միլիոն տոննա անմշակ նավթ և 343 միլիոն խորանարդ մետր բնական գազ:

Օգոստոս ամսվա վերջին Թուրքիային մնացել է 46.3 միլիոն տոննա անմշակ նավթի և 6.3 միլիարդ խորանարդ բնական գազի պաշար:

Նավթի արդյունահանման ուղղությամբ նոր հետազոտություններ չիրականացնելու դեպքում, այս տարվա ամսական միջին արտադրական մակարդակով, Թուրքիային մնացել է մոտ 19 տարվա անմշակ նավթ և 12 տարվա բնական գազի պաշար:

Կայքը հայտնում է, որ Թուրքիայում կա նավթի 49 ընկերություն, որոնցից 29 տեղական են, իսկ 17-ը`արտասահմանյան: