Վրացի կոմունիստները պահանջում են Գորիում վերադարձնել Ստալինի հուշարձանը

Ստալինի ծննդյան օրը, Վրաստանի Կոմունիստական կուսակցության անդամները և նրանց համախոհները Գորիում հավաք են անցկացրել՝ պահանջելով վերականգնել 9 տարի առաջ ապամոնտաժված Խորհրդային առաջնորդի հուշարձանը. ըստ Yerkir.am-ի՝ հայտնում է kavkaz-uzel.eu-ն:

Նշվում է՝ արձանը տեղադրվել է 2010-ին: Հուշարձանի վերականգնման համար քաղաքացիները կազմակերպել են ստորագրահավաքը, իսկ 2014-ին անցկացրել են մի շարք բողոքի ցույցեր ՝ պահանջելով վերադարձնել հուշարձանը: Սակայն 2015 թվականի հոկտեմբերի 2-ին Գորիի քաղաքային խորհուրդը մերժել է այս նախաձեռնությունը: 2017 թվականի դեկտեմբերի 21-ին ՝ Ստալինի ծննդյան 138-ամյակի օրը, նրա կիսանդրին տեղադրվել է Գորիի կենտրոնական հրապարակում:

Հավելվում է՝ դեկտեմբերի 21-ին լրացել է Ստալինի ծննդյան 140-ամյակը, որի կապակցությամբ Վոլգոգրադի կոմունիստները նրա պատվին հուշարձան են կանգնեցրել: Հուշարձանի բացումը տեղի ունեցավ միանձնյա պիկետների ֆոնի վրա, որոնց մասնակիցները հիշել են ստալինյան բռնաճնշումները:

Ակտիվիստների բողոքի ակցիան դժգոհություն է առաջացրել տեղի Կոմունիստական կուսակցության տեղական հանձնաժողովի մոտ: