Կոմունիստները ակցիայի դուրս կգան, եթե Դի Կապրիոն հանդես գա Լենինի դերում

«Ռուսաստանի կոմունիստները» շատ բացասական են ընդունել հոլիվուդյան դերասան Լեոնարդո Դի Կապրիոյի՝ Լենինի դերում հանդես գալու ցանկությունը: Այդ մասին Росбалт-ին ասել է կուսակցության քաղկոմիտեի առաջին քարտուղար Սերգեյ Մալինկովիչը:

«Նա պատկերացում չունի Լենինի կյանքի մասին, ապրում է բուրժուական կյանքով: Մենք պահանջում ենք «Լենֆիլմ»-ից` թույլ չտալ նման բան, հակառակ դեպքում` մենք բողոքի ակցիաների դուրս կգանք»,- ասել է նա:

Ավելի վաղ հայտնի հոլիվուդյան դերասանը Welt am Sonntag-ին պատմել էր, որ ցանկանում է հանդես գալ ՌԴ նախագահ Վլադիմիր Պուտինի, ԽՍՀՄ հիմնադիր Վլադիմիր Լենինի և Գրիգորի Ռասպուտինի դերերում: