«Շիրակ»-ի երկրպագուները հարձակման են ենթարկվել Գորիում. կան վնասված ավտոմեքենաներ

Եվրոպա լիգայի որակավորման առաջին փուլի «Դիլա»-«Շիրակ» խաղին Հայաստանից մրցավայր էին ժամանել Գյումրին ներկայացնող ակումբի մոտ 130 երկրպագու:

Ինչպես հայտնում է  Totalfootball-ը, խաղն առաջին հայացքից անցավ բավականին կոռեկտ երկրպագուական պայքարում: Սակայն իրականությունը մի փոքր այլ էր մարզադաշտից դուրս: Խաղի մեկնարկից մոտ մեկ ժամ առաջ Թենգիզ Բուրջանաձեի անվան մարզադաշտ ժամանած հայ երկրպագուներին հենց մարզադաշտի մուտքի մոտ արդեն սկսել են սադրել: Մասնավորապես, անհայտ անձիք երկրպագուների ձեռքից գողացել են հայկական եռագույնը, «Շիրակի» շարֆն ու փախել:

Հերթական սադրանքը սկսվել է խաղում ընդմիջում հայտարարելուց հետո: Հայ երկրպագուները ցանկացել են ընդմիջում անել մոտակա սննդի կետերից մեկում, սակայն վրացական ակումբի անհայտ երկրպագուները շրջափակել են սննդի կետը՝ արգելելով հայ երկրպագուներին՝ օգտվել դրանից: Այդ միջադեպին խառնվել են ոստիկանները՝ փորձելով վերականգնել կարգը:

Ի դեպ նշենք, որ մարզադաշտ ժամանելիս հայտնաբերեցինք, որ ոստիկանությունը ուժեղ հսկողություն էր սահմանել մարզադաշտի ողջ տարածքում: Անգամ հայ լրագրողները չկարողացան առանց միջամտության մտնել մարզադաշտ: Թվում էր, թե նման պայմաններում ամեն ինչ պետք է խաղաղ անցներ:

Մանրամասները` սկզբնաղբյուր կայքում: