Կոմունիստները կմասնակցեն խորհրդարանական ընտրություններին

Հայաստանի կոմունիստական կուսակցությունն անպայման մասնակցելու է գալիք խորհրդարանական ընտրություններին. այսօր լրագրողների հետ հանդիպման ժամանակ հայտարարեց ՀԿԿ առաջին քարտուղար Ռուբեն Թովմասյանը:

ՀԿԿ-ն պատրաստվում է միայնակ գնալ ընտրություններին, սակայն եթե մինչ այդ  ի հայտ գան ուժեր, որոնք կհայտարարեն սոցիալիստական ուղիով գնալու մասին, կխոստանան անվճար կրթություն եւ անվճար առողջապահական համակարգ, համագործակցությանը դեմ չի լինի:

Տիգրան Կարապետյանի հետ հնարավոր համագործակցությունը Ռուբեն Թովմասյանը բացառեց. «Կարապետիչին որպես  անձ հարգում եմ, սակայն գաղափարական տարաձայնություններ ունենք»:

Իսկ ՀԱԿ-ի հետ համագործակցությունը ՀԿԿ առաջին քարտուղարն առհասարակ բացառեց, քանի որ ՀԱԿ առաջնորդի հայտարարությունը, թե իրենք ՀԿԿ-ի դագաղի վերջին մեխը խփել են, կոմունիստ առաջնորդին խիստ վիրավորել է:  «ՀԱԿ-ի հետ ոչ մի բան հնարավոր չէ, բայց կհամագործակցեի ՀԱԿ-ից ՀԺԿ-ի հետ»,- ասաց Ռուբեն Թովմասյանը: