Գիտության պետական կոմիտեի նախագահը և նրա տեղակալը աշխատանքից ազատվելու դիմում են գրել

ՀՀ ԿԳՄՍՆ գիտության պետական կոմիտեի նախագահ  Սամվել Հարությունյանը  եւ նրա տեղակալ Վարդան Սահակյանն աշխատանքից ազատվելու դիմում են գրել՝ հայտնում է Factor.am-ը:

«Գիտեք, երևի չարժի պատճառներ նշել։ Ամեն ինչ սկիզբ ու վերջ ունի։ Վերջին հաշվով՝ տարիքով մեծ եմ բավականին, երկար տարիներ աշխատել եմ, հիմա թող ջահելները գան, շարունակեն»,-ասել է Հարությունյանը։

 Իսկ  որն է եղել իր տեղակալի՝ 60-ամյա Վարդան Սահակյանի հրաժարականի պատճառը, արդյոք  այս դեպքում ևս  առաջացած տարիքը՝ Հարությունյանը   հրաժարվել է որեւէ մեկնաբանություն տալ։

2007թ-ից Գիտության պետական կոմիտեի նախագահի պաշտոնը զբաղեցնող Սամվել Հարությունյանը վերանշանակվել էր այս տարվա հունիսի 12-ին՝ վարչապետ Նիկոլ Փաշինյանի որոշմամբ։