Արև Սամուելյանն աշխատանքից ազատվելու դիմում է գրել

Մշակույթի փոխնախարար Արև Սամուելյանն աշխատանքից ազատվելու դիմում է գրել: Լուրը Yerkir.am-ի հետ զրույցում հաստատեց փոխնախարարը: Նա նշեց, որ նման որոշման է եկել մշակույթի նախարարի հետ համատեղ քննարկման արդյունքում: «Որքան աշխատում ես, այդքան անելիք կա: Կարծում եմ՝ նախարարությունը կշարունակի բոլոր ընթացիկ ծրագրերը»,- ասաց Սամուելյանը:

Հարցին՝ ինչո՞վ է պատրաստվում զբաղվել, նա պատասխանեց. «Սիրելի աշխատանքով՝ ճարտարապետությամբ: Ես աշխատել և շարունակելու եմ աշխատել այդ ոլորտում, քանի որ կարծում եմ՝ ստեղծագործելը լավագույն աշխատանքն է»:

Հիշեցնենք, որ Սամուելյանը փոխնախարարի պաշտոնը ստանձնել էր 2009 թվականին: