Մեզ համար ընդունելի է ամեն բան, բացի պատերազմից. Գախարիա

Վրաստանի վարչապետ Գեորգի Գախարիան կարևորել Է երկրի տարածքային ամբողջականության վերականգնումը հնարավոր բոլոր միջոցների օգտագործմամբ, բացառությամբ պատերազմի. ըստ Yerkir.am-ի՝ հայտնում է newsgeorgia.ge-ն:

Նա այդ մասին ասել է արտասահմանում Վրաստանի դիվանագիտական ներկայացուցչությունների և հյուպատոսական հիմնարկությունների ղեկավարների տարեկան հանդիպման ընթացքում:

«Ընդունելի է ամեն բան, բացի պատերազմից: Մեր քաղաքականությունը պետք է լինի ողջամիտ, հիմնված բացարձակապես սառը դատողության վրա, ու մենք պետք է ձեռնարկենք բոլոր քայլերը, որպեսզի մեկընդմիշտ վերականգնենք մեր երկրի միասնությունը: Մենք պետք է դա անենք՝ օգտագործելով բոլոր միջոցները, բացի պատերազմից: Մենք ստանձնել ենք այդ պարտավորությունը ու պետք է կատարենք այն»,- հայտնել է նա: