«Առաջին հերթին դու քո ուղեղը ստուգիր». Էրդողանը՝ Մակրոնին

Բացի այս հայտարարությունից, Մակրոնը նշել էր նաև, որ Թուրքիան այլևս չի կարող հույս դնել ՆԱՏՕ-ի օգնության վրա Սիրիայում իրականացրած ռազմական գործողությունից հետո, որը սպառնում է հակաահաբեկչական կոալիցիային:

«Չգիտեմ ՆԱՏՕ-ի համար Ֆրանսիան ինչ նշանակություն ունի, բայց Թուրքիան ՆԱՏՕ-ի համար հանդիսանում է շատ կարևոր երկիր: Մակրոնը հայտարարել է ՆԱՏՕ-ի ուղեղի մահվան մասին: Հարգելի Մակրոն, դու սկզբից քո ուղեղը ստուգիր, որովհետև այդպիսի հայտարարությունները վայել են այնպիսի մարդկանց, որոնց ուղեղը քո ուղեղի նման մահացած է»,-հայտարարել է Էրդողանը:

Թուրք առաջնորդը նշել է, որ Մակրոնն ահաբեկչության դեմ պայքարի փորձ չունի, դրա համար էլ «դեղին բաճկոնները օկուպացրել են նրա երկիրը»:

«Քո ի՞նչ գործն է Թուրքիային հեռացնել կամ չհեռացնելը ՆԱՏՕ-ից: Դո՞ւ ես այդպիսի որոշումներ կայացնում: Թռչկոտեք ինչքան ուզում եք, բայց դուք պետք է հարգեք Թուրքիայի ինքնավարությունը»,-ասել է Թուրքիայի նախագահը:

Էրդողանը ավելացրել է նաև, որ Թուրքիայի անվտանգությունը Եվրոպայի անվտանգությունն է:

Հիշեցնենք, որ The Economist-ին տված հարցազրույցում ֆրանսիացի առաջնորդն ընդգծել էր ԱՄՆ-ի ձախողումը ՆԱՏՕ-ի հետ բանակցելու հարցում՝ նախքան Սիրիայի հյուսիսից զորքերի դուրսբերումը: Նա հարցականի տակ էր դրել ՆԱՏՕ-ի հավատարմությունը հավաքական անվտանգությանը և ասել, որ «ՆԱՏՕ-ի ուղեղը մահացել է»: