Իրավապահները փակել են վրացական խորհրդարանի շրջակա տարածքը

Վրաստանի ներքին գործերի նախարարությունը մեծ թվով ոստիկաններ է մոբիլիզացրել խորհրդարանի տարածքում ընդդիմության հայտարարած հերթական ցույցի կապակցությամբ. ըստ Yerkir.am-ի՝ հայտնում է «Sptunik-Գրուզիա»-ն։

Խորհրդարանի մուտքերը փակված են երկաթե կառուցատարրերով:

Ընդդիմադիր կուսակցությունների ղեկավարները և ակտիվիստները արդեն սկսել են հավաքվել Ռուսթավելի պողոտայում՝ Վրաստանի խորհրդարանի առջև, որպեսզի դարձյալ  խոչընդոտներ ստեղծեն կառավարող «Վրացական երազանք-դեմոկրատական Վրաստան» կուսակցության պատգամավորների համար։

Հիշեցնենք՝ Վրաստանում հակակառավարական բողոքի ակցիաներն սկսվել են նոյեմբերի 14-ից: Պատճառը խորհրդարանում իշխանությունների խոստացած ընտրական բարեփոխման ձախողումն է: