Պուտինը ցավակցել է Գոհար Վարդանյանի մահվան կապակցությամբ

ՌԴ նախագահ Վլադիմիր Պուտինն իր ցավակցություններն է հայտնել հետախույզ Գոհար Վարդանյանի մահվան կապակցությամբ: Ըստ Yerkir.am-ի՝ այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը:

«Պուտինն իր ցավակցություններն է հայտնում մեր հռչակավոր հետուխույզ Գոհար Վարդանյանի հարազատներին և մտերիմներին: Առանց Գոհար Վարդանյանի և նրա ամուսնու՝ Գևորգի, մեր աշխարհի պատմությունն այլ կերպ կարող էր ընթանալ: Այս մարդիկ իրենց հետքն են թողել մարդկության պատմության մեջ»,- նշել է Պեսկովը և հավելել, որ Պուտինը մտերիմ էր Գոհար և Գևորգ Վարդանյանների հետ:

Գոհար Լևոնի Վարդանյանը ծնվել էր 1926 թ. հունվարի 26-ին Գյումրիում: 1930-ականներին տեղափոխվել էին Իրան, որտեղ 16 տարեկանում անդամագրվել էր ապագա ամուսնու՝ Գևորգ Վարդանյանի հակաֆաշիստական խմբին, ապա՝ մեծ ներդրում ունեցել 1943 թ. Թեհրանի կոնֆերանսի  անվտանգությունն ապահովելու հարցում: ԽՍՀՄ հերոս Գևորգ Վարդանյանն էլ մահացել էր 2012 թ.: