կարևոր
2842 դիտում, 1 տարի առաջ - 2023-01-19 13:11
Հասարակություն Քաղաքական

ՀԱՊԿ գլխավոր քարտուղարը ցավակցել է 15 հայ զինծառայողի մահվան կապակցությամբ

ՀԱՊԿ գլխավոր քարտուղարը ցավակցել է 15 հայ զինծառայողի մահվան կապակցությամբ

ՀԱՊԿ գլխավոր քարտուղար Իմանղալի Թասմաղամբետովը թելեգրամյան ալիքում ցավակցություն է հայտնել Հայաստանի վարչապետ Նիկոլ Փաշինյանին՝ հունվարի 19-ի գիշերը հրդեհի հետևանքով 15 հայ զինծառայողի ողբերգական մահվան կապակցությամբ։

«Հարգելի Նիկոլ Վովաևիչ, ՀԱՊԿ քարտուղարության և անձամբ իմ անունից անկեղծ ցավակցություն եմ հայտնում հունվարի 19-ի գիշերը Գեղարքունիքի մարզում զորամասերից մեկում տեղի ունեցած հրդեհի հետևանքով Հայաստանի Հանրապետության զինված ուժերի 15 զինծառայողի մահվան կապակցությամբ։

Խոր վշտով ստացանք զինծառայողների ողբերգական մահվան լուրը: Մենք կիսում ենք զոհվածների ընտանիքների, հարազատների և ընկերների հետ անդառնալի կորստի դառնությունը և աջակցության խոսքեր ենք փոխանցում նրանց համար այս դժվարին պահին», - նշել է Թասմաղամբետովը։