Իմ տատի վերապրածները պատմաբանների գործը չէ. Փայլան

Թուրքիայի նախագահ Ռեջեփ Թայիփ Էրդողանը հոկտեմբերի 29-ին ԱՄՆ Կոնգրեսի Ներկայացուցիչների պալատի կողմից ընդունված՝ Հայոց ցեղասպանությունը դատապարտող բանաձևի վերաբերյալ հերթական անիմաստ բառաշարքն է կիրառել՝ նշելով, որ դա պատմաբանների գործն է: «Ամբողջ աշխարհին եմ ասում՝ այս քայլը ոչ մի արժեք չունի, չենք ճանաչում դա: Ասեցինք արդեն, որ դա պատմաբանների գործն է: Այդ գործը հնագետների գործն է: Նրանց լիազորենք, թող անեն այդ աշխատանքները: Թող այդ գործին չհագցնեն քաղաքական վերնաշապիկ». – հայտարարել էր նա:

Ի պատասխան Թուրքիայի նախագահի այս հայտարարությանը՝ Թուրքիայի Ազգային մեծ ժողովի հայ պատգամավոր Կարո Փայլանը սոցցանցերի իր էջում գրառում է կատարել. ««Էրդողանը Ցեղասպանության վերաբերյալ ասում է՝ «այս գործը պատմաբանների գործն է: Այս գործը հնագետների գործն է, թող այդ գործին չհագցնեն քաղաքական վերնաշապիկ»: Թալեաթ փաշայի կողմից քաղաքական որոշմամբ իրագործված ցեղասպանության հետ պատմաբանները չեն կարող առերեսվել: Իմ մեծ տատի ապրած դժբախտությունները չի կարող լինել հնագետների հարցը»: