Աբդուլ Համիդը հրեաներին տարածքներ է վաճառել. թուրք պատմաբանների նոր բացահայտումը

Թուրքական լրատվամիջոցները հրապարակել են Սեզայի Բալջըյի և Մութաֆա Բալջըօղլուի բացահայտումը, թե Օսմանյան կայսրության շրջանում սուլթան Աբդուլ Համիդ Երկրորդը սերտ հարաբերությունների մեջ է եղել հրեա մեծահարուստ տոհմերից մեկի հետ և նրանց վաճառել պաղեստինյան որոշ տարածքներ, որոնք ժամանակին գտնվել են Օսմանյան կայսրության տիրապետության տակ. տեղեկացնում է «Գանձասար»-ը՝ թուրքական Sputnik-ին հղումով:

Ըստ կայքի` Աբդուլ Համիդը պարտքերի դիմաց հրեաներին հողեր է բաշխել, և այդ փաստը առկա է պատմաբաններ Բալջըի և Բալջըօղլուի ներկայացրած արխիվային փաստաթղթերում:

Հրեական Ռոտշիլթ հարուստ տոհմի հետ օսմանցիների հարաբերությունները սկսել են 1829-ին, երբ ռուս-թուրքական պատերազմի ընթացքում  օսմանյան բանակնա յդ տոհմից մեծաքանակ զենք և զինամթերք է գնել:

Աբդուլ Համիդը 1891-ին և 1894-ին 15 միլիարդ ստերլինգի հասնող պարք է վերցրել հրեա ընտանիքից: Հատագայում այդ հողատարածքները հանձնելով անգամ չի կարողացել իր պարտքը փակել: Նրա մահից հետո՝ մինչև 1955-ը, Թուրքիայի Հանրապետությյունը, որպես Օսմանյան Կայսրության իրավահաջորդ, պարքերի մի մասը փակելու պարտավորության տակ է մտել: