2020 թվականի` ԱՄՆ նախագահական ընտրություններ. դեմոկրատների առաջատարը Բայդենն է

ԱՄՆ 2020 թվականի նախագահական ընտրությունների նախընտրական պայքարի շրջանակում անցկացված սոցհարցումները վկայում են, որ ԱՄՆ նախկին փոխնախագահ Ջո Բայդենը գերազանցում է դեմոկրատների մյուս բոլոր թեկնածուներին:

Quinnipiac University Poll հարցումների ազգային կենտրոնի սոցհարցման արդյունքները ցույց են տալիս, որ սենատոր Բայդենը, վաստակելով հարցվածների 19 %-ի համակրանքը, հայտնվել է առաջին հորիզոնականում: Նրան հաջորդում է սենատոր Էլիզաբեթ Ուորենը:

Հարցումը ցույց է տվել, որ սենատոր Ուորենը բարելավել է դիրքերը եւ երկրորդ հորիզոնականում է 15%-ով:

Ինչ վերաբերում է երրորդ հորիզոնականում հայտնված սենատոր Կամելա Հերիսին, ապա նրան վստահել են հարցվածների 12%-ը: Սենատոր Բերնի Սանդերսն էլ 11%-ով չորրորդն է:

Հուլիսի 2-ի դրությամբ իրականացված հարցման արդյունքները ցույց են տալիս, որ բանավեճի ընթացքում Բայդենից կրած պարտությունից հետո Հերիսի օգտին պատրաստ էին քվարկել ընտրողների 20%-ը: Այդ հարցման ժամանակ Ուորենը 14%-ով երրորդ հորիզոնականում էր:

Հասարակական կարծիքի հարցման արդյունքները հրապարակվել են դեմոկրատների հերթական նախընտրական հեռուստաբանավեճի նախօրեին, որը կայանալու է այսօր եւ վաղը՝ Դետրոյթում: