Հայաստանի և Ադրբեջանի միջև թեժ գիծն աշխատում է, բայց դա չի երաշխավորում, որ մենք զոհեր չենք ունենա. Նիկոլ Փաշինյան

Այսօր «Ազատության» եթերում վարչապետ Նիկոլ Փաշինյանն անդրադարձել է Հայաստանի և Ադրբեջանի միջև թեժ գծի վերաբերյալ հարցին:

Նա նշեց, որ թեժ գիծն աշխատում է, բայց դա չի երաշխավորում, որ Հայաստանը զոհեր չի ունենա: 

«Մենք աշխատում ենք, որ բանակցություններն ունենան կոնկրետ արդյունք, իսկ ինչո՞ւ դրանք չունեն կոնկրետ արդյունք: Երբ ես ընտրվեցի ՀՀ վարչապետ, հայտարարեցի, որ լուծման որևէ տարբերակ պետք է ընդունելի լինի Ղարաբաղի, Հայաստանի, Ադրբեջանի ժողովուրդների համար:

Սա աննախադեպ հայտարարություն էր, որովհետև ՀՀ ոչ մի իշխանություն նման բան չի ասել: Սա լուրջ հիմք է ստեղծում բանակցային գործընթացի առաջընթացի համար, բայց Ադրբեջանի նախագահը հրաժարվում է արտաբերել այս նախադասությունը, իսկ առաջընթացի համար նա էլ պետք է ասի, որ հակամարտության կարգավորման տարբերակը պետք է ընդունելի լինի բոլորի համար»,- ասաց Փաշինյանը: