Մենք չենք կարող ընտրություն կատարել Հայաստանի և Ադրբեջանի միջև. Օլանդ

Որոշ հարցեր մինչ օրս խանգարում են Ղարաբաղյան հակամարտության կարգավորմանը: Այդ մասին Բաքվում` Ալիևի հետ համատեղ մամուլի ասուլիսի ժամանակ, հայտարարել է Ֆրանսիայի նախագահ Ֆրանսուա Օլանդը. հայտնում է haqqin.az-ը:

«Իմ այցերը Ադրբեջան և Հայաստան ջանքեր են հակամարտության կարգավորման ճանապարհին: Ֆրանսիան բարեկամական հարաբերություններ ունի Հայաստանի և Ադրբեջանի հետ, մենք չենք կարող ընտրել երկու երկրների միջև: Մենք առաջարկել ենք նորովի նայել հակամարտության կարգավորմանը՝  Հայաստանի և Ադրբեջանի նախագահների հանդիպում կազմակերպելով: Ֆրանսիան միշտ հանդես է եկել նման նախաձեռնություններով: Մենք առանձնացնում ենք նաև ուկրաինական հարցը, սկզբունքները պետք է լինեն միասնական»,- ասել  է նա: