Հայոց ցեղասպանությունն ընդունելու համար հզոր ապացույցներ են պետք. Շվեդիայի ԱԳՆ ղեկավար

Շվեդիայի ԱԳՆ ղեկավար Մարգթոթ Ուոլսթրյոմը արտասահմանյան լրատվամիջոցներին տված մամլո ասուլիսի ժամանակ, պատասխանելով լրագրողի` «արդյո՞ք Շվեդիայի կառավարությունը ճանաչելու է 1915 թ. հայերի և ասորիների ցեղասպանությունը» հարցին, նշել է. «1915 թ. հայերի և ասորիների ցեղասպանության վերաբերյալ պնդումները ընդունելը դժվար է թվում: Ինչ-որ երկրի ցեղասպան հայտարարելու համար մեր ձեռքում պետք է հզոր ապացույցներ լինի»: Այս մասին տեղեկացնում է թուրքական t24.com.tr կայքը:

Շվեդ նախարարը նաև հիշեցրել է, որ այդ իրողությունները հետաքննելու համար ստեղծվել է  հանձնաժողով: «Անցյալում տեղի ունեցած դեպքերի պատճառով ինչ-որ երկրի ցեղասպան հայտարարելը մեծ պատասխանատվություն է: Մենք պատմաբաններից կազմված հանձնաժողով ենք ստեղծել: Այս թեմայով արդյունքի հասնելը դժվար է: Որովհետև այդ դեպքերը վերապրած ողջ ապացույց չկա: Երկու երկիր դա որպես ցեղասպանություն են ճանաչել: Ես դա մի քիչ անառողջ եմ համարում: Որովհետև նման որոշում ընդունելուց հետո որոշ քայլեր է պետք կատարել: Դա էլ ձեզ մշտապես կկապի»,- նախարարի խոսքերն է մեջբերում թուրքական կայքը: