ՍԴ նախագահի ինքնահռչակումը լրատավամիջոցների ընդգրկմամբ հստակ մշակված սահմանադրական հեղաշրջման փորձ էր. Աղասի Ենոքյան

Քաղաքագետ Աղասի Ենոքյանը ֆեյսբուքյան իր էջում գրել է.

«Ակնհայտ է դառնում, որ Սահմանադրական Դատարանի նախագահի ինքնահռչակումը մի հոգու իրականացրած արկածախնդրություն չէր միայն, այլ լրատավամիջոցների ընդգրկմամբ հստակ մշակված պետական քաղաքականություն՝ սահմանադրական հեղաշրջման փորձ։

Վահե Գրիգորյանի հայտնի «երդումից» հետո իշխանությունների ընտանիքին պատկանող լրատվամիջոցն անմիջապես, րոպեներ անց հանդես է գալիս այս ինքնահռչակման իրավական «հիմնավորումներով»։ Իշխանություններին հովանավորող, ամերիկյան հարկատուների փողերով ֆինանսավորվող «Ազատությունը» ներկայացնում է ակնհայտ կողմնապահ, չբալանսավորված հաղորդումներ ու մեկնաբանություններ, իսկ Հայաստանի քաղաքացիների գումարներով աշխատող Հանրային ռադիոն վճարովի հիմսունքներով սոցիալական ցանցերում գովազդում է Վահե Գրիգորյանի ինքնահռչակումը։

Այսինքն, իշխանությունները ենթադրում են, որ ոչ միայն ինչ կուզեն այն էլ կանեն Սահմանադրության, իրավունքի ու դատարանների հետ, այլև կարող են հարկատուների փողերը ծախսել իրենց հեղաշրջման գովազդի համար։

Ակնկալում ենք Հանրային ռադիոյի և Հեռուստատեսության և ռադիոյի ազգային հանձնաժողովի ղեկավարների մեկնաբանությունները»։