Հոնկոնգում ցուցարարները շարունակում են արգելափակած պահել գլխավոր փողոցներն ու կառավարության շենքը

Չինաստանի հատուկ վարչական շրջան Հոնկոնգում հարյուրավոր ցուցարարներ, որոնք դեմ եմ արտահանձնման մասին օրենքում փոփոխություններ մտցնելու` իշխանությունների որոշմանը, շարունակում են արգելափակված պահել Հոնկոնգի գլխավոր փողոցներն ու կառավարության շենքը` չնայած այն հանգամանքին, որ շրջանի ղեկավար Քերի Լեմն ավելի վաղ ներողություն էր խնդրել. գրում է է ria.ru-ն:

Նշվում է, որ նախորդ շաբաթ Լեմը հայտարարել էր արտահանձնման մասին օրենքում փոփոխություններ անելու հարցի քննարկումը դադարեցնելու մասին, ինչը,  սակայն, չէր բավարարել ցուցարարներին:

Օրինագծին դեմ մոտ երկու միլիոն ցուցարար դուրս էր եկել փողոցները՝ պահանջելով  ամբողջովին հրաժարվել օրենքի վերանայումից, նաև` որ վարչական շրջանի ղեկավարը ներողություն հայցի: Դրանից ժամեր անց Լեմը գրավոր ներողություն էր հայցել կառավարության անունից:

Ավելի վաղ տեղեկացրել էինք, որ Հոնկոնգում տեղի ունեցող բողոքի ցույցերի մասին: Օրեր առաջ հսկայական երթը խաղաղ է ընթացել մինչև կեսգիշեր` մինչ այն պահը, երբ կառավարական շենքի տարածքից ցուցարարներին հեռացնելու` ոստիկանության փորձերն ավարտվել են բախումներով: