Ադրբեջանը չի կատարել ԵԽ առաջնահերթ խորհուրդները

Ռասիզմի և անհանդուրժողականության դեմ պայքարի եվրոպական հանձնաժողովը (European Commission against Racism and Intolerance - ECRI) Ադրբեջանի վերաբերյալ 2016 թ. հրապարակած երկու առաջնահերթ կարգադրությունների մասին հայտարարություն է տարածել:

Առաջին հերթին` ECRI-ն խորհուրդ էր տվել ադրբեջանական իշխանություններին`  ստեղծել համապատասխան պայմաններ անկախ քաղհասարակություն ունենալու համար: Այդ կապակցությամբ ECRI-ն նշում է, որ շարունակվում են իշխանությունների կողմից սահմանափակող միջոցառումները, որոնք խանգարում են ոչ պետական կազմակերպությունների անկախ գործառույթների իրականացմանը:

ECRI-ն նաև խորհուրդ էր տվել Ադրբեջանին` կատարել խոստումը, որը տվել էր ԵԽ նիստում, ըստ որի` պետք էր ընդունել օրենսդրություն  այլընտրանքային զինվորական ծառայության մասին, որը նախատեսվում է երկրի Սահմանադրության 76-րդ հոդվածով: