«0038» հրաման մասին իմացել եմ միայն այս գործի շրջանակներում. Ռոբերտ Քոչարյան

Մայիսի 16–ին Երևանի ընդհանուր իրավասության դատարանում ՀՀ երկրորդ նախագահ Ռոբերտ Քոչարյանը երկար ելույթ ունեցավ: Նա, դատավորին դիմելով նշեց, որ ինքը ցուցմունք չի տվել, ուստի դատավորը չի կարող որևէ կերպ ծանոթանալ իր տեսակետներին: Ներկայացնում ենք մի հատված Ռոբերտ Քոչարյանի խոսքից:

«Իմ աշխատելաոճն այն է, որ ես երբեք ոչ ոքին չէի ասում, թե դու ինչպես պետք է քո խնդիրը լուծես։ Ես միշտ դրել եմ խնդիր. տվյալ մարմնի պարտականությունն էր՝ ինչպես լուծել խնդիրը։ Այն ժամանակ, մինչև հիմա էլ բանակը ամենից կայացած պետական ծառայություն էր, նախարարը 12 տարվա գլխավոր շտաբի պետի փորձ ուներ, և իրենց ասել, թե դուք ոնց պետք է լուծեք այդ հարցը, դա իմ խնդիրը չէր: Նույն օրը պաշտպանության նախարարը արձակել է «0038» հրամանը, որի մասին իմացել եմ միայն այս գործի շրջանակներում։

Ծանոթանալուց ես համոզվել եմ, որ շատ ճիշտ ժամանակին կայացված հրաման էր. այդ հրամանի շնարհիվ է, որ հաջողվել է կանխել հնարավոր վատ հետևանքները, հրամանը որևէ հակաօրինական կետ իր մեջ չի պարունակում և ամբողջությամբ Պաշտպանության նախարարի լիազորոություներում է»: