Տպավորություն է, որ ռուսների դրական վերաբերմունքին արժանանալու համար պետք է թքել ռուսների երեսին. Բորիս Մուրազի

Կարո՞ղ եք պատկերացնել իրավիճակ, երբ ասենք պրոամերիկյան գործիչներ Դանիել Իոաննիսյանը, Ստյոպա Սաֆարյանը, Արման Բաբաջանյանը և այլք կանգնած լինեն դատարանի առաջ, իսկ նրանց մեղադրանքները առաջադրած/պաշտպանած լինի դատախազությունը, ու ԱՄՆ-ն այդ ժամանակվա գլխավոր դատախազին մեդալ տա։ Չեք պատկերացնում, չէ՞։ Այս մասին Facebook-ի իր էջում գրել է Politik.am-ի խմբագիր Բորիս Մուրազին:

Նա, մասնավորապես, նշել է. «Ի տարբերություն ԱՄՆ-ի՝ Ռուսաստանի նախագահը մեդալով է պարգևատրում մի գլխավոր դատախազի, որի ժամանակ մեղադրանքներ են առաջադրվել գրեթե բոլոր պրոռուսական գործիչներին, անգամ ՀԱՊԿ գլխավոր քարտուղարին։

Ինձ մոտ արդեն տպավորություն է, որ ռուսների կողմից դրական վերաբերմունքի արժանանալու համար պետք է կամ սորոսական լինել, կամ թքել ռուսների երեսին, կամ չեղած դեպքում գոնե ռուսական դրոշ վառած լինես»: