Թուրքիայում ավելացել է հայերի, հույների և հրեաների նկատմամբ ատելությունը

ԱՄՆ կառավարությանն առընթեր Միջազգային կրոնական ազատության հանձնաժողովը (USCIRF) 2019 թ. զեկույցում քննադատել է Թուրքիային կրոնական ազատությունների սահմանափակման համար: Որպես թուրքական կառավարության` ոչ մուսուլմանների նկատմամբ կիրառվող` կրոնական ազատությունները սահմանափակող միջոցառումների օրինակ` զեկույցում նշվում է նույնականացման քարտերում «ոչ մուսուլման» շեշտումը, ինչը հայերին, հույներին և հրեաներին անհանգստություն է պատճառում. հաղորդում է artigercek.com կայքը:

Զեկույցում, որը Թուրքիան կրոնական ազատությունների խախտումների տեսանկյունից դասակարգվում է որպես երկրորդ մակարդակի երկիր,  ուշադրություն է հրավիրվում այն հանգամանքին, որ պետությունը միջամտում է Հայ Առաքելական, Հույն Ուղղափառ և հրեական հոգևոր սինոդի ընտրություններին, ինչպես նաև այն, որ Թուրքիան պայման է դրել, որ հոգևոր առաջնորդներ կարող են ընտրվել միայն նրանք, ովքեր համարվում  են Թուրքիայի քաղաքացի: