Ինչպես է Էրդողանը հրահանգում կազմակերպել հայերի, հույների և քրդերի վրա հարձակումը. տեսանյութ

«Ամերիկայի ձայնը» տեսանյութ է  հրապարակել մայիսի 16-ին Վաշինգտոնում տեղի ունեցած միջադեպի մասին:

Տեսանյութում հստակ երևում է, թե ինչպես է Թուրքիայի նախագահ Ռեջեփ Թայիփ Էրդողանը հրահանգում իր թիկնապահներին` հարձակվել ցուցարարների վրա, և հարձակումից մի քանի րոպե անց դուրս է գալիս ավտոմեքենայից։

Հիշեցնենք, որ  Թուրքիայի նախագահ Ռեջեփ Թայիփ Էրդողանի՝ ԱՄՆ այցի ընթացում նրա կողմնակիցներն ու թիկնապահները հարձակվել և դաժան ծեծի էին ենթարկել մի խումբ հայերի, հույների, եզդիների և քրդերի, որոնք խաղաղ ցույց էին իրականացնում Վաշինգտոնում Թուրքիայի դեսպանի կեցավայրի մոտ: Հարձակման հետևանքով 9 մարդ տարբեր վնասվածքներով տեղափոխվել էր հիվանդանոց, ըստ որոշ տեղեկությունների՝ 2 հոգի ձերբակալվել էր: