Երիտասարդ բռնցքամարտիկները հաղթանակով են մեկնարկել Անապայի մրցաշարում

Անապայում մեկնարկել է Նիկոլայ Պավլյուկովի անվան երիտասարդների հուշամրցաշարը, որին մասնակցողների թվում են նաեւ Ուկրաինայի, Վրաստանի, Ուզբեկստանի, Բելառուսի, Ֆիլիպինների, Կուբայի, Թաիլանդի, Շվեյցարիայի, Հնդկաստանի ուժեղագույն բռնցքամարտիկները:

Երեկ ռինգ դուրս եկած Հայաստանի 3 ներկայացուցիչներից 2-ը հաղթանակ են տարել եւ դուրս եկել քառորդ եզրափակիչ: 60 կգ քաշային Ռաֆայել Հակոբյանն ու 56 կգ քաշային Արթուր Շախպազյանը հաղթել են հնդիկ բռնցքամարտիկներին, իսկ 69 կգ քաշային Արսեն Գրիգորյանը պարտվել է ղազախ բռնցքամարտիկին:

Այսօր ռինգ դուրս կգան եւ քառորդ եզրափակիչի համար կպայքարեն 49 կգ քաշային Ռուդոլֆ Գարբոյանը, 52 կգ քաշայիններ Արթուր Ղազարյանն ու Ռուսլան Ասլիկյանը եւ 64 կգ քաշային Արարատ Հարությունյանը: