ՀՅԴ Կանադայի Հայ Դատի հանձնախումբը Կանադայի քաղաքական ներկայացուցիչների հետ արծարծել է Արցախի հիմնահարցը

Մարտի 16-ին, ՀՅԴ Կանադայի Կենտրոնական կոմիտեի անդամ Վահե Անտոնյանը եւ ՀՅԴ Արեւմտյան Կանադայի Հայ Դատի հանձնախմբի ներկայացուցիչներ Վահիկ Յակոբեանը եւ Մեղրիկ Սիւլահեան Չափանեանը Վանկուվերում մասնակցել ենք SUCCESS GROUP-ի ընդունելությանը:

Ընդունելությանը կառավարական բարձրաստիճան պաշտոնյաների թվում էին նաեւ Կանադայի Պաշտպանության նախարար Հարջիթ Սաջանը, Կանադայի նախկին գլխավոր դատախազ եւ Արդարադատության նախարար Ջոդի Ուիլսոն-Ռեյբոլդը, Խորհրդարանի պատգամավորներ, նահանգային նախարարներ, տարբեր քաղաքների ավագանու անդամներ եւ մի շարք երկրների հյուպատոսներ:

ՀՅԴ Հայ Դատի հանձնախմբի ներկայացուցիչներն առանձնազրույցների ժամանակ արծարծել են Արցախի հիմնահարցը, ինչպես նաեւ Հայաստանին ու կանադահայությանը հուզող հարցեր: Զրույցի ընթացքում անդրադարձել են նաեւ Կանադա-Հայաստան առեւտրական երկկողմանի հարաբերությունները զարգացնելու անհրաժեշտությանը: