Թուրքիան վերածվել է փախստականների ճամբարի. զեկույց

Թուրքիայի ընդդիմադիր Հանրապետական-ժողովրդական կուսակցության  փոխնախագահ, պատգամավոր, պրոֆեսոր Ֆեթհի Աչըքելի ղեկավարած ՀԺԿ գիտական հարթակը սիրիացի փախստականների վերաբերյալ պատրաստել է «Պալատի` փախստականների վերաբերյալ սխալ քաղաքականության արդյունքում վճարում են քաղաքացիները»  զեկույցը:

Ըստ զեկույցի` ԱԶԿ-ի` փախստականների հարցում սխալ քաղաքականության հետևանքով երկիրը կանգնել է կրթական, աշխատանքային, մշակութային լուրջ խնդիրների առջև:  

«Թուրքիայում սիրիացի փախստականների թիվը հասել է 4 միլիոնի, Թուրքիայում ծնված սիրիացիների թիվը` 406 հազարի: Փախստականների 96 տոկոսն ապրում է ճամբարներից դուրս: Աշխատելու ունակ փախստականների թիվը 2 մլն 184 հազար է, որոնցից միայն 1.25 տոկոսն է գրանցված աշխատում: Փախստական երեխաների միայն մի մասն է կարողանում կրթություն ստանալ: ԱԶԿ-ի սխալ քաղաքականության պատճառով Թուրքիան Եվրոպայի դռների առջև վերածվել է փախստականների ճամբարի»,- հղում անելով զեկույցին` նշում է demokrathaber.org կայքը: