Թուրքիայում Google-ի նկատմամբ հետաքննություն է սկսվել

Թուրքիայի Մրցակցության խորհուրդը «Reklamcılık ve Pazarlama Ltd. Şti»,  «Google International LLC», «Google LLC», «Google Ireland Limited» և «Alphabet Inc.» կազմակերպությունների վերաբերյալ հետաքննության որոշում է կայացրել:

Ըստ Մրցակցության խորհրդի կայքում տեղ գտած հայտարարության` Google-ի որոնողական ծառայությունները շուկայում ունեցած գերիշխող դիրքը չարաշահել են և որոնողական ծառայություն մատուցող տեղական մրցակիցներին դուրս թողնել շուկայից:

Հետաքննության ժամանակ ձեռք բերված նյութերը բավարար համարելով` խորհուրդը, «Մրցակցության պաշտպանության մասին» օրենքի 6-րդ հոդվածի համաձայն, որոշում է կայացրել վերոնշյալ կազմակերպությունների դեմ հետաքննություն սկսել. հաղորդում է «Անադոլու» գործակալությունը: