Հայամետ քուրդ գործչի նկատմամբ Թուրքիայում հետաքննություն է սկսվել

Քրդական Ժողովուրդների դեմոկրատական կուսակցության անդամ, քուրդ քաղաքական գործիչ Օսման Բայդեմիրը Վանում անցկացված` կուսակցության ժողովում  ունեցած ելույթի համար դատարանի առջև է հայտնվել: Վանի ընդհանուր իրավասության առաջին ատյանի քրեական դատարանի կողմից ընդունված մեղադրական եզրակացության մեջ պահանջվում է «թուրք ազգին, հանրապետությանը և ԹԱՄԺ-ին հրապարակային նվաստացման» մեղադրանքով նրան դատապարտել մինչև 6 տարվա ազատազրկման. հաղորդում է demokrathaber.org կայքը:

Օսման Բայդեմիրը հայտնի է իր հայամետ գործունեությամբ: 2004-2014 թթ. եղել է Դիարբեքիրի քաղաքապետ և հենց նրա ջանքերի շնորհիվ էր վերակառուցվել Սբ Կիրակոս եկեղեցին: