Թուրքիայում իրեն Հիսուս անվանող ուսուցչի նկատմամբ հետաքննություն է սկսվել

Թուրքիայի Անթալիա նահանգի Սերիք շրջանի Գեդիքի միջնակարգ դպրոցի անգլերենի ուսուցչի նկատմամբ հետաքննություն է սկսվել: Պատճառն այն է, որ ուսուցիչը 6-րդ դասարանի երեխաներին ասել է, թե ինքը Հիսուսն է և գիտի Ահեղ դատաստանը երբ է գալու. հայտնում է «Անադոլու» գործակալությունը:

Շրջանի ղեկավարի և աշակերտների բողոքների հիման վրա Թուրքիայի Կրթության ազգային վարչությունը հետաքննություն է սկսել ուսուցչի նկատմամբ: Սերիքի ղեկավար Հալիլ Քոջան նշել է, որ նմանատիպ թեմաներն անթույլատրելի են 11 տարեկան երեխաների համար: «Անհրաժեշտ միջոցառումներն արդեն իրականացրել ենք: Երկուշաբթի հետաքննություն է սկսվել»,- ասել է նա:

Ըստ իսլամական ավանդույթների` Հիսուսը համարվում է մարգարե (իսլամում 9 հիմնական մարգարեներից մեկը, իսկ, ընդհանուր առմամբ, Ղուրանում նշվում է, որ կա 100.000 մարգարե), այլ ոչ` փրկիչ` Աստծո որդի: