Վրաստանի խորհրդարանի պատգամավորը Թումանյանի տուն-կենտրոնին նվիրել է մեծ բանաստեղծի բրոնզե արձանը

Այսօր` փետրվարի 19-ին, հայ բանաստեղծ Հովհաննես Թումանյանի 150-ամյակի կապակցությամբ Վրաստանի խորհրդարանի պատգամավոր Դավիթ Ճիճինաձեն Թբիլիսիի` Թումանյանի տուն-գիտական- մշակութային կենտրոնին նվիրել է մեծ բանաստեղծի բրոնզե արձանը: Այս մասին տեղեկանում ենք Վրաստանում ՀՀ դեսպանության ֆեյսբուքյան պաշտոնական էջից:

Հուշարձանի հեղինակը ճարտարապետ Դավիդ Սիրբիլաձեն է: 

Ճիճինաձեն  «Վրացական երազանք» կուսակցության ներկայացուցիչ է, ընտվել է մեծամասնական կարգով: 

Հավելենք, որ Թումանյանը, 14 տարեկանում տեղափոխվելով Թիֆլիս, իր կյանքի մեծ մասը՝ շուրջ 4 տասնամյակ, անցկացրել է այնտեղ՝ իր կյանքն ու ստեղծագործական գործունեությունը կապելով այդ քաղաքի հետ: