կարևոր
4870 դիտում, 1 տարի առաջ - 2023-03-15 12:29
Հասարակություն

Շառլ Ազնավուրի արձանը կտեղադրվի Ֆրանսիայի հրապարակում, Ռոդենի արձանը կտեղափոխվի. որոշում

Շառլ Ազնավուրի արձանը կտեղադրվի Ֆրանսիայի հրապարակում, Ռոդենի արձանը կտեղափոխվի. որոշում

Հայաստանի ազգային հերոս, երգիչ Շառլ Ազնավուրի հիշատակը հավերժացնող հուշարձանը կտեղադրվի Երևանի Ֆրանսիայի հրապարակում: Որոշումն ավագանու նիստում ընդունվեց միաձայն՝ 49 կողմ ձայնով:

Երևանի փոխքաղաքապետ Տիգրան Ավինյանը նշեց, որ որոշման ընդունման համար հիմք է հանդիսանում «Ազնավուր» հիմնադրամի առաջարկը, իսկ որպես հուշարձանի տեղադրման վայր՝ նախապես քննարկվել է Երևանի Շառլ Ազնավուրի անվան հրապարակը. «Հաշվի առնելով, որ կար Օգյուստ Ռոդենի Ժյուլ Բաստիեն Լեպաժի արձանի՝ ավելի տեսանելի հատված տեղափոխելու հարցը, այս երկու առաջարկները միաձուլվեցին մեկ որոշման մեջ և առաջարկվում է Ազնավուրի արձանը տեղադրել հենց Ֆրանսիայի հրապարակի կենտրոնական հատվածում, իսկ Ռոդենի արձանը տեղափոխել մայթեզրին ավելի մոտ հատված, քանի որ քանդակի նվիրատվության պայմանագրով սահմանված է, որ հանրությունը պետք է պատշաճ կերպով կարողանա ուսումնասիրել ստեղծագործությունը»: