Ամենայն հայոց բանաստեղծի ծննդյան տարեդարձին

Այսօր լրանում է ամենայն հայոց բանաստեղծ Հովհաննես Թումանյանի ծննդյան 142-ամյակը:

Ճիշտ է, նրան նվիրված ոչ մի մասշտաբային միջոցառում չի կազմակերպվել, սակայն տարբեր մշակութային ու կրթական հաստատություններում տեղի են ունենալու փոքրիկ ցերեկույթներ:

«Էդիթ պրինտ» գրատանը կազմակերպված ցերեկույթին ներկա էին անվանի բանաստեղծներ, մտավորականներ եւ Թումանյանի թոռնուհին: Միջոցառման ընթացքում եղան բազմաթիվ ելույթներ, ասմունք, երգ:

Վաճառքի էին հանվել «Թումանյանը ժամանակակիցների հուշերում», «Թումանյանի ընտանիքի կյանքի էջերից», «Թումանյանի ընտանիքի նամականին», «Հուշեր եւ զրույցներ» գրքերը, նաեւ Թումանյանի ստեղծագործությունների ժողովածուներ: