Քաղաքական ու տնտեսական հեղափոխությունները տարբեր բաներ են. Մելքումյան

Yerkir.am-ը «Բարգավաճ Հայաստան» խմբակցության պատգամավոր Միքայել Մելքումյանից հետաքրքրվեց` հնարավո՞ր է քաղաքական հեղափոխության մեխանիզմներով նաև տնտեսական հեղափոխություն իրականացնել:

Հիշեցնենք` երեկ այդ մասին կառավարության ծրագիրը ներկայացնելիս ասել էր վարչապետ Նիկոլ Փաշինյանը:

«Քաղաքական ու տնտեսական հեղափոխությունները տարբեր բաներ են, բայց վարչապետի ասածից հասկացա, որ նա շեշտադրում է արել այդ դրույթի ներառականությունն ու ամբողջ ժողովրդի կողմից մասնակցությունն ապահովելու մասով: Բայց կոնկրետ գորածառույթներ իրականացնել, օրինակ` դրամավարկային քաղաքականություն իրականացնել, բնականաբար, դրանք տարբեր բաներ են»,- ասաց Մելքումյանը` հավելելով, որ եթե բոլորս պայմանավորվենք, որ, օրինակ, ՀԴՄ կտրոն ենք տրամադրում, ու բոլորը ՀԴՄ կտրոն տրամադրեն, ապա խնդիրը կարող է լուծվել: