Շոյգուն շնորհակալություն է հայտնել Հայաստանին` Սիրիային հումանիտար օգնություն տրամադրելու համար

Արդեն տեղեկացրել ենք, որ ՀՀ ՊՆ ղեկավար Դավիթ Տոնոյանն աշխատանքային այցով Մոսկվայում է: ТАСС-ը հայտնում է, որ ՌԴ ՊՆ ղեկավար Սերգեյ Շոյգուն հանդիպման ժամանակ շնորհակալություն է հայտնել Տոնոյանին` Սիրիային հումանիտար օգնություն տրամադրելու գործում մասնակցություն ունենալու համար: «Դա, իհարկե, մեծ ներդրում էր Սիրիայում նորմալ կյանքի վերականգնման գործում»,- ասել է նա:

Շոյգուն նաև հույս է հայտնել, որ այսօր կստորագրվի հերթական փաստաթուղթը, որը հնարավորություն կտա երկրներին ընդլայնելու դաշնակցային համագործակցության շրջանակները:

Տոնոյանն, իր հերթին, շնորհակալություն  է հայտնել Ռուսաստնանին  և անձամբ Շոյգուին` Սիրիային օգնություն տրամադրելու հարցում կազմակերպչական աջակցություն ցուցաբերելու համար: Ըստ ՀՀ ՊՆ ղեկավարի` Սիրիայում ՌԴ-ի գործունեությունն ուղղված է հակամարտությունից հետո երկրի վերականգնմանը:

«Եվ ես կարծում եմ, որ մեր մասնակցությունը հումանիտար գործողությանը շատ կարևոր է: Կարևոր է օգնությունը սիրիացի ժողովորդին, որի մասն է  հայկական սփյուռքը»,- ասել է Տոնոյանը:

Տեսանյութը` այստեղ: