Ռուսաստանին չի մտահոգում Բելառուսի կողմից Ադրբեջանին «Պոլոնեզ» համակարգերի մատակարարումը. Դմիտրի Շուգաև

ՌԴ ռազմատեխնիկական համագործակցության հարցերով դաշնային ծառայության ղեկավար Դմիտրի Շուգաևը Коммерсантъ-ին տված հարցազրույցում ասել է, որ Ռուսաստանին չի մտահոգում Բելառուսի կողմից Ադրբեջանին «Պոլոնեզ» համազարկային կրակի ռեակտիվ համակարգերի մատակարարումը:

Լրագրողը հետաքրքրվել է՝ արդյո՞ք դա որևէ սպառնալիք է ռուս-ադրբեջանական ռազմատեխնիկական համագործակցությանը: Շուգաևը պատասխանել է.  «Այո, Ադրբեջանն այսօր համագործակցում է ոչ միայն մեզ հետ, այլև մյուս գործընկերների, մասնավորապես՝ բելառուսների: Դա մեզ չի մտահոգում: Առաջին հերթին` մենք առողջ, նորմալ մրցակցության կողմնակից ենք, երկրորդ՝ երկու երկիրն էլ ԱՊՀ անդամ են, այդ իսկ պատճառով ինչպե՞ս կարող ենք դեմ լինել: Եթե ամեն ինչ տեղի է ունենում ողջախոհության շրջանակում, Ռուսաստանը չի կարող որևէ մեկին ինչ-որ բան թելադրել ու չի պատրաստվում դա անել»: