ՌԴ-ն արդեն սկսել է Ս-400 համակարգերի մատակարարումը Հնդկաստան

Ռուսաստանի Ռազմատեխնիկական համագործակցության դաշնային կազմակերպության ղեկավարը հայտարարել է Հնդկաստան Ս-400 հակահրթիռային պաշտպանության համակարգերի մատակարարումների մեկնարկի մասին։

ԻՌՆԱ-ի հաղորդման համաձայն՝ Դմիտրի Շուգաևը կիրակի օրը Դուբայում ավիաշոուի բացումից առաջ ասել է, որ Ս-400-ների մատակարարումը Հնդկաստան սկսվել է, և ամեն ինչ ընթանում է ըստ նախատեսված ժամանակացույցի։

Ավելի վաղ Ռուսաստանը հայտարարել էր, որ Ս-400 ՀՕՊ համակարգերը Հնդկաստանին մատակարարելու գործընթացը կավարտվի այս տարվա վերջին։

Երեք տարի առաջ Հնդկաստանը և Ռուսաստանը 2017 թվականին պայմանագիր ստորագրեցին հինգ Ս-400 հրթիռային համակարգեր գնելու մասին՝ որպես իրենց ամենամեծ ռազմական պայմանագրերից մեկի մաս՝ 5,2 միլիարդ դոլար արժողությամբ:

Ռուսաստանը հայտարարել է, որ, չնայած ԱՄՆ-ի սպառնալիքներին, Մոսկվան Հնդկաստանին հրթիռային համակարգը կմատակարարի մինչև 2033 թվականը։

ԱՄՆ-ը բազմիցս հայտարարել է, որ Ռուսաստանի հետ նման կարևոր պայմանագրեր կնքած երկրները կենթարկվեն պատժամիջոցների, և Հնդկաստանը բացառություն չի լինի։