Ես առաջին օրերից Փաշինյանին աջակցել եմ, կողքն եմ եղել, ձայն ենք տվել, ո՞նց կարող է պատահի` քննադատեմ. Ծառուկյան

Առաջին օրերից Փաշինյանին աջակցել եմ, կողքն եմ եղել, ձայն ենք տվել, ստորագրել ենք, ո՞նց կարող է պատահի` քննադատեմ. լրագրողների հետ զրույցում ասաց ԲՀԿ նախագահ Գագիկ Ծառուկյանը` պատասխանելով հարցին, թե արդյո՞ք այս 7 ամիսների ընթացքում ՀՀ վարչապետ Նիկոլ Փաշինյանը չի արել մի բան, որը քննադատության էր արժանի:

Դիմելով լրագրողներին` նա ասաց, թե այնպիսի հարցեր են տալիս, որոնք իրականությանը չեն համապատասխանում: «Ի՞նչ քննադատեմ, եթե աջակից եմ եղել նրան: 7 ամիս է անցել, բայց հլը նոր սկսվում է ամեն ինչ: Եթե ուզում ենք, որ լավ բան լինի, պետք է ազգովի միասնական լինենք, ոչ թե մեկը մյուսի վրա ցեխ շպրտենք»,- ասաց Ծառուկյանը: